ცენტრალურმა საარჩევნო კომისიამ მარნეულის გამგებლობის კანდიდატს "ნაციონალური მორაობიდან" რეგისტრაციაზე უარი უთხრა. ცესკო-მ 13 ხმით 8-ის წინააღმდეგ ძალაში დატოვა მარნეულის საოლქო კომისიის გადაწყვეტილება, რომლის თანახმადაც, ახმედ იმამყულიევი რეგისტრაციიდან მოიხსნა და იგი არჩევნებში მონაწილეობას ვეღარ მიიღებს.
გადაწყყვეტილებას სხომაზე ხმაურიანი განხილვა უძღოდა წინ. საქმეზე მოწმეების სახით დაიკითხნენ "ნაციონალური მოძრაობის" ლიდერებიც, რომლებმაც ცესკო პოლიტიკურად მოტივირებული გადაწყვეტილების მიღებაში დაადანაშაულეს.
ხმაური და კამათი ცესკო-ში გვიან ღამემდე გრძელდებოდა. "ნაციონალური მოძრაობის" წევრთა ნაწილმა დარბაზი საკითხის კენჭისყრამდე დატოვა. ცენტრალურმა საარჩევნო კომისიამ კი გადაწყვეტილება იმით ახსნა, რომ ახმედ იმამყულიევს ბოლო ორი წლის განმავლობაში საქართველოში არ უცხოვრია.
ცესკო-ს გადაწყვეტილებას მარნეულის გამგებლობის კანდიდატთან დაკავშირებით, "ერთიანი ნაციონალური მოძრაობა" სასამართლოში გაასაჩივრებს. პარტია შესაბამისი მტკიცებულებებით სასამართლოს ხვალ მიმართავს.
გიორგი ვაშაძის განცხადებით, ცესკო-მ ისევე, როგორც მარნეულის საოლქო კომისიამ, ახმედ მამკულიევთან დაკავშირებით უსამართლო გადაწყვეტილება მიიღო, რადგან არანაირი დოკუმენტაციით არ მტკიცდებოდა, რომ მარნეულში პარტიის გამგებლობის კანდიდატი საქართველოში არ ცხოვრობდა, რაც საარჩევნო კანონმდებლობის დარღვევად შეიძლება ჩათვლილიყო.
"ერთიანი ნაციონალური მოძრაობა", ცესკო-ს გადაწყვეტილების გამო, ადგილობრივი თვითმმართველობის არჩევნების სამართლიანად ჩატარებას ეჭვქვეშ აყენებს.
