წინასაარჩევნო კამპანიის ფარგლებში დღეს, ფოთში „ქართული ოცნების“ წარმომადგენლებმა ამომრჩევლებთან შეხვედრა გამართეს. ქალაქის მაჟორიტარი დეპუტატი ეკა ბესელია ფოთელებს ცნობილ ადამიანებთან ერთად შეხვდა.

ფოთის კულტურის სახლის დარბაზში შეკრებილებს მსახიობმა ბესო ვერულაშვილმა, პარლამენტის ადამიანის უფლებების დაცვის კომიტეტის თავმჯდომარის მოადგილემ გედევან ფოფხაძემ, ჟურნალისტმა ქეთი ბოხუამ და ვეტერანმა ფეხბურთელმა მურთაზ ხურცილავამ მიმართეს. მათ ფოთელებს ადგილობრივი თვითმმართველობის არჩევნებში აქტიურობისა და ფოთში „ქართული ოცნების“ მიერ წარდგენილი მერობისა და მაჟორიტარობის კანდიდატების მხარადჭერისკენ მოუწოდეს.