აქციის მონაწილეები პოლიციის უფროსის ზაზა ჩუბინიძის დაპატიმრებასა და პატიმრობაში მყოფი ირაკლი ლიპარტელიანის და თემურ ქურასბედიანის გათავისუფლებას ითხოვდნენ.

მათი თქმით, კომპანია „ბევერლი ჯგუფის" თანამშრომლები ლიპარტელიანი და ქურასბედიანი იმავე საქმეზე არიან დაკავებულები, რაშიც ბრალი სამხარეო პოლიციის ამჟამინდელ უფროსს ზაზა ჩუბინიძეს ედება. თუმცა, ჩუბინიძემ პროკურატურაზე ზეწოლის შედეგად არათუ საქმიდან გასვლა შეძლო, არამედ მომხდარში მოწმის სახითაც არ ფიგურირებს.

აქციის მონაწილეების თქმით, საქმე ეხება 2010 წელს კომპანია „ბევერლი ჯგუფში" საფინანსო პოლიციის მიერ აღმოჩნილ ფინანსურ დარღვევებს, მაშინ კომპანიის ხელმძღვანელი ზაზა ჩუბინიძე იყო და მას პროკურატურა 800 ათასი ლარის გაფლანგვას ედავებოდა, თუმცა, მან საქმისთვის კვალიფიკაციის შეცვლა შეძლო, პროკურატურამ კი, თაღლითობის მუხლით საქმე ირაკლი ლიპარტელიანისა და თემურ ქურასბედიანის წინააღმდეგ აღძრა.

აქციის მონაწილეების განცხადებით, ჩუბინიძე სამხარეო პოლიციაში მუშაობს და საქმეს 2 თვის მანძილზე თავად იძიებდა.

კომპანიის თანამშრომლები კი 8 თვეა პატიმრობაში იმყოფებიან.