საერთაშორისო მუსიკალურ ფესტივალზე  "ჩელოს სეზონი რუსთაველის თეატრში" 14 ივნისს მაყურებლის წინაშე კრონბერგის  აკადემიის სოლისტი  და არაერთი საერთაშორისო კონკურსის ლაურეატი იშტვან ვარდაი  წარსდგება, სადირიჟორო პულტთან კი ჟოლტ ნოჯი იქნება.

ფესტივალს ევგენი მიქელაძის  სახელობის ეროვნული სიმფონიური ორკესტრი და ნიკოლოზ რაჭველი წარმოადგენენ. ივნისის ბოლომდე ფესტივალის ფარგლებში არაერთი ცნობილი ჩელისტი შეასრულებს ჰაიდნის, შუმანის, დვორჟაკის, ელგარის, ჩაიკოვსკის, შნიდკეს, შოსტაკოვიჩისა და ყანჩელის ნაწარმოებებს.