ჩეხეთი საქართველოს კულტურის დღეებს მასპინძლობს. უკვე მოეწყო დამოუკიდებლობის დღისადმი მიძღვნილი მიღება, რომელსაც ჩეხი პოლიტიკოსები, ხელისუფლების, ბიზნესისა და კულტურის სფეროს წარმომადგენლები დაესწრნენ.

კულტურის დღეების ფარგლებში პრაღაში დაგეგმილია მრგვალი მაგიდა, რომელიც ასოცირების ხელშეკრულებასა და საინვესტიციო გარემოს მიეძღვნება. ასევე გაიმართება შეხვედრა ქართულ დიასპორასთან და ქართულ ანსამბლ „ჰერიოს" კონცერტი. კულტურის დღეებს პრაღის მერიის დარბაზში ქართული ფილმის "ქიფ სმაილინგის" ჩვენება დაასრულებს.