16 ივნისიდან აჭარის ზღვის სანაპირო ზოლს სამედიცინო დახმარების 4 ბრიგადა მოემსახურება, რომლებიც ბათუმის ბულვარის, ე.წ. „ბენზეს", ქობულეთისა და გონიოს სანაპირო ზოლში განთავსდება და ტურისტული სეზონის დასრულებამდე, 15 სექტემბრამდე დარჩებიან.

მედიკოსები ბულვარისა და „ბენზეს" სანაპიროს დამსვენელებს 10:00-დან 22:00 საათამდე მოემსახურებიან, ქობულეთსა და გონიოში 24-საათიანი მორიგეობა დაწესდება.

აჭარის სამინისტროს განცხადებით, ინიციატივა დამსვენებლებისთვის საჭიროების შემთხვევაში გადაუდებელი სამედიცინო დახმარების უმოკლეს დროში მიწოდებას ითვალისწინებს.