ადგილობრივ ბაზარზე, შესაძლოა, თაფლის ფასმა მოიმატოს. commersant.ge-სთან საუბრისას თაფლის მწარმოებლები არამდგრადი ამინდების შედეგად წარმოების შემცირებაზე საუბრობენ.
კომპანია „ფეფეს“ დამფუძნებელი, გიორგი ტატიშვილი აცხადებს, რომ თაფლის მცირე რაოდენობით მიღების შედეგად, პროდუქტის გაძვირება გამორიცხული არ არის. მისივე თქმით, ცუდი ამინდების გამო თაფლი გასულ წელსაც ნაკლები იყო და 1 კილოგრამის ღირებულება 16-დან 18 ლარამდე გაზარდეს.
„ქესკიას“ დამფუძნებლის, ფრიდონ კოდუას განცხადებით, უცხოელი პარტნიორები ქართული თაფლის ხარისხთან დაკავშირებით პრეტენზიებს გამოთქვამენ.
„ამ ზამთარს, ძლიერი ყინვების გამო, სკაში ფუტკრის ავადმყოფობა გაჩნდა და 140 სკიდან მხოლოდ 70 დამრჩა. სკები ახლა მთაში, სვანეთში გვყავს გადატანილი, სადაც აგვისტოს დასაწყისამდე დავტოვებთ“, - აღნიშნა მან.
