ერაყელმა მეამბოხეებმა ქვეყნის სიდიდით მეორე ქალაქი, მოსული დაიკავეს. „როიტერი" გაეროს ადამიანთა უფლებების უმაღლესი კომისრის, რუპერტ კოლვილზე დაყრდნობით იუწყება, რომ ერაყის ჩრდილოეთში, აჯანყებულებმა საქართველოს 16 მოქალაქე მოიტაცეს და მათი ბედი ჯერჯერობით უცნობია.

ერაყის სამთავრობო ჯარებსა და ამბოხებულებს შორის მომხდარი შეტაკებების შედეგად, მსხვერპლის რიცხვმა რამდენიმე ასეული შეადგინა, მათ შორის ბევრია მშვიდობიანი მოსახლე. „ერაყისა და ლევანტეს ისლამური სახელმწიფოს" „ბოევიკებმა" ციხეებიდან გამოუშვეს ყველა პატიმარი, მოსულში და ტიკრიტში სრული განუკითხაობაა. მიდის ლინჩის წესით გასამართლება. როგორც „რია ნოვოსტი" იტყობინება, მზადდება ბაღდადზე თავდასხმა.