9 ივნისს, პრაღაში -„საქართველოს კულტურის დღეები ჩეხეთის რესპუბლიკაში“ - დაიწყო. ჩეხეთში საქართველოს საელჩოს მიერ მოწყობილ მიღებაზე სიტყვით გამოვიდა ჩეხეთის რესპუბლიკის დეპუტატთა პალატის თავმჯდომარე იან ჰამაჩეკი და ჩეხეთის რესპუბლიკაში საქართველოს საგანგებო და სრულუფლებიანი ელჩი ზაალ გოგსაძე.

საქართველოს დამოუკიდებლობის დღისადმი მიძღვნილ მიღებაზე ბევრმა ჩეხმა პოლიტიკოსმა, ხელისუფლების, ეკონომიკისა თუ კულტურის სფეროს წარმომადგენელმა მოიყარა თავი.

10 ივნისს  სასტუმრო „ჰილტონში“ გაიმართა მრგვალი მაგიდა თემაზე: „ასოცირების ხელშეკრულება და საინვესტიციო გარემო საქართველოში“, რომელსაც საქართველოს ეკონომიკის მინისტრის მოადგილე მიხეილ ჯანელიძე გაუძღვა. ამავე დღეს ჩეხმა ბიზნესმენებმა და კულტურის სფეროს წარმომადგენლებმა მონაწილეობა მიიღეს საელჩოსა და დიასპორის მიერ სპეციალურად ორგანიზებულ „ქართულ საღამოში“.

11 ივნისს თანამემამულეებთან შეხვედრა გამართა დიასპორის საკითხებში სახელმწიფო მინისტრმა კოტე სურგულაძემ.

12 ივნისს წმინდა იუდასა და თადეოზის ეკლესიიის საკონცერტო დარბაზში შესრულდა ქართული ანსამბლის „ჰერიოს“ კონცერტი. 19 ივნისს კულტურის დღეებს დაასრულებს ქართული ფილმის „keep smiling“ ჩვენება პრაღის მერიის ბიბლიოთეკის მცირე დარბაზში.