საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი დავით დარახველიძე აშშ-ს სახელმწიფო დეპარტამენტის მოსახლეობის, ლტოლვილთა და მიგრაციის ბიუროს წარმომადგენელს საქართველოში ჯოშუა ფიშელს შეხვდა და სამინისტროს საქმიანობის შედეგები დეტალურად გააცნო.
ჯოშუა ფიშელი საქართველოში ორი წლის განმავლობაში მუშაობდა და ის უახლოეს მომავალში პოსტს როტაციის პრინციპით დატოვებს. მისი თქმით, ეს მისი უკანასკნელი ოფიციალური შეხვედრაა ამ რანგში.
აშშ-ს სახელმწიფო დეპარტამენტის მოსახლეობის, ლტოლვილთა და მიგრაციის ბიურომ საქართველოში 2008 წლის კონფლიქტის შემდგომ დაახლოებით 35 მილიონი დოლარის დახმარება გამოყო, რაც იძულებით გადაადგილებული პირთა თავშესაფარს, ერთჯერად ჰუმანიტარულ დახმარებასა და სოციალურ-ეკონომიკურ მხარდაჭერას მოხმარდა. დევნილთა და განსახლების სამინისტროს ბენეფიციართა დახმარებისათვის სხვადასხვა პროექტები ამ ეტაპზეც მიმდინარეობს, მაგალითისათვის მარტყოფში შენდება თავშესაფრი ჰუმანიტარული სტატუსის მაძიებელ პირთათვის.
ჯოშუა ფიშელთან შემაჯამებელ შეხვედრას საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე ნინო ჭავჭავაძე და სამინისტროს საერთაშორისო დეპარტამენტის წარმომადგენლები დაესწრნენ.
