ამერიკის დემოკრატიული ინსტიტუტის NDI-ს თბილისის ოფისის ხელმძღვანელი ლუის ნავარო რამდენიმე დღის წინ ქვემო ბეთლების ეკლესიაში ტაძრის წინამძვარმა მამა ალექსანდრემ (ბოლქვაძე) მართმადიდებლად მონათლა.

ნავაროს ნათლია „ქრისტიან-დემოკრატების“ ყოფილი ლიდერი გიორგი თარგამაძეა. როგორც მოძღვარმა ტაძარში წირვის შემდეგ ქადაგებისას განაცხადა, ნავაროს ნათლობის სახელი დავითია. მამა ალექსანდრეს განცხადებით, ნათლობისას ნავარომ მას უთხრა, რომ არსად უნახავს ისეთი სითბო და სიყვარული, როგორიც საქართველოშია. მისთვის მისაღები და ჭეშმარიტია ის იდეოლოგია, რომელიც ქართველ ხალხს გააჩნია, რომ მისი სამშობლო პერუ ძალიან ჰგავს საქართველოს და ნავაროს სურვილია, რომ გადაცვალების შემდეგ საქართველოში დაიმარხოს.