ადიგენის გამგებელი 3000 ლარიანი გირაოს სანაცვლოდ გაათავისუფლა
ადიგენის გამგებლის, სიმონ პარუნაშვილის სასამართლო პროცესი ნახევარი საათის წინ დასრულდა. ახალციხის რაიონულმა სასამართლომ პარუნაშვილი 3 000 ლარის ოდენობის გირაოს სანაცვლოდ გაათავისუფლა.
ბრალდებულის ადვოკატის, ირაკლი ბარძიმაძის განცხადებით გამგებელი უკანონო პატიმარია, რადგან ის სასამართლო განჩინების გარეშეა დაპატიმრებული.
„სასამართლომ მიიღო უკანონო გადაწყვეტილება, მართალია ნაწილობრივ დააკმაყოფილა პროკურორის შუამდგომლობა 12 ათასის ნაცვლად 3 ათასი შეუფარდა, მაგრამ ჩვენ აუცილებლად გავასაჩივრებთ სააპელაციო სასამართლოში. იმედია ამ ქვეყანაში სადღაც მაინც იქნება კანონი."- ამბობს ბარძიმაძე.
შეგახსენებთ, რომ ადიგენის მუნიციპალიტეტის სამსახურეობრივი უფლებამოსილების გადამეტების ბრალდებით 27 აგვისტოს დააკავეს.
