რუსულმა მოდურმა საიტმა „Buro247"-მა, რომელიც ხშირად უთმობს თავის გვერდებს წარმატებულ ქართველ დიზაინერებს, ამჯერად იმ ქართველი დიზაინერების ერთგვარი რეიტინგი შეადგინა, რომელთა სახელებიც ყველამ უნდა იცოდეს.
„დაიმახსოვრეთ ეს სახელები, ეს დიზაინერები და მათი ბრენდები კიდევ გამოიჩენენ თავს, - წერს სტატიის ავტორი. მანამდე საზოგადოებას ახსენებს იმ დიზაინერებს, რომელთაც უკვე განთქმული აქვთ სახელი საქართველოს ფარგლებს გარეთ და კონკრეტულად რუსულ ბაზარზე მათ წარდგენა არ სჭირდებათ - რია ქებურიას, ლადო ბოკუჩავას, ატელიე კიკალას და ბესარიონს.
10 დიზაინერი, რომლებიც რეიტინგში აღმოჩნდნენ, არიან: 1. აკა ნანიტაშვილი; 2. თამუნა ინგოროყვა; 3. დათუნა სულიკაშვილი ; 4. ლელა ელოშვილი; 5. ჩუბიკა - ნინო ჩუბინიშვილი; 6. გალიფ გასანოვი; 7. თამუნა ნიკოლაიშვილი; 8. ლაშა მდინარაძე; 9. ლაშა დევდარიანი; 10. ალექსანდრე ახალკაციშვილი.
