თბილისის საკრებულოს წევრმა, გულიკო ზუმბაძემ დედაქალაქის საკანონმდებლო ორგანოში სამუშაო შეხვედრა გამართა, რომელიც ქ.თბილისში, ქვემო ალექსეევკის ტერიტორიზე მდებარე ალუმინის საწარმოს (შპს „გეგმეტი") მავნე ზემოქმედებას და ამ პრობლემის გადაჭრის საკითხს ეხებოდა.
შეხვედრას, გარემოს დაცვისა და ბუნებრივი რესურსების და ეკონომიკისა და მდგრადი განვითარების სამინისტროების, სახალხო დამცველისა და სხვადასხვა არასამთავრობო ორგანიზაციების წარმომადგენლები, ექსპერტები და დაინტერესებული მოქალქეები ესწრებოდნენ.
როგორც საკრებულოს დეპუტატმა, გულიკო ზუმბაძემ განაცხადა, ალექსეევკის ტერიტორიზე მდებარე ალუმინის საწარმო ეკოლიგიისთვის და მოსახლეობის ჯანმრთელობისთვის საშიშია და ეს მიმდებარე ტერიტორიაზე მცხოვრებმა მოსახლეობამ არაერთხელ გააპროტესტა. მისივე განმარტებით, ქვეყანაში აუცილებლად უნდა არსებობდეს შესაბამისი სანიტარული სამსახური, რომელიც მსგავსი სახის შემთხვევებს კონტროლზე აიყვანს და სათანადო შემოწმებასა და მონიტორინგს აწარმოებს. საკრებულოს წევრის თქმით, მოსახლეობამ უნდა იცოდეს იმ საფრთხეების შესახებ, რაც მათ ჯანმრთელობას საფრთხეს უქმნის. გულიკო ზუმბაძემ საქართველოს მთავრობასა და პარლამენტს მიმართა, რომ შეიქმნას სამსახური რომელის განსაზღვრავს ნორმებს, მსგავსი საწარამოებისთვის და შემგომ გააკონტროლებს მათ მუშაობას.
საკრებულოს დეპუტატმა იმედი გამოთქვა, რომ თანმიმდევრული მუშაობით სასურველი შედეგი მიღწეული იქნება, რათა დღეს არსებული პრობლემები გამოსწორდეს.
