შეკვეთილში, გასართობ ცენტრ "ციცინათელასთან" ავტოავარიას ოთხი ადამიანი ემსხვერპლა, რომელთაგან ერთი ბავშვია. არსებული ინფორმაციით, თბილისისკენ მიმავალი თურქული ტრაილერი გზის მოპირდაპირე მხარეს გადავიდა და "06" მარკის ავტომანქანას შეეჯახა. მსუბუქ ავტომანქანაში მყოფი ოთხი ადამიანიდან სამი ადგილზე დაიღუპა, ბავშვი კი ქობულეთის საავადმყოფოში მიყვანამდე გარდაიცვალა. ტრაილერის მძღოლისა და მსუბუქი ავტომანქანის მგზავრების ვინაობა დადგენილი არ არის. ტრაილერის მძღოლი შემთხვევის ადგილიდან მიიმალა.