საქართველოს ნავთობისა და გაზის კორპორაციამ გასული წლის ფინანსური ანგარიში გამოაქვეყნა, რომელიც საერთაშორისო აუდიტორულმა კომპანიამ KPMG-იმ მოამზადა.

ნავთობისა და გაზის კორპორაციის ინფორმაციით, 2012 წელთან შედარებით, გასულ წელს წმინდა მოგება 16%-ით გაიზარდა და 94,293 მილიონი ლარი შეადგინა. ასევე, გაიზარდა კომპანიის შემოსავალი, სოპერაციო მოგება და EBITD. კერძოდ, 2012 წელთან შედარებით 2013 წელს კომპანიის შემოსავალმა შეადგინა 325,761 მილიონი ლარი (9%-იანი ზრდა); საოპერაციო მოგებამ შეადგინა 100,359 მილიონი ლარი (21%-იანი ზრდა) და EBITDA-მ შეადგინა 104,694 მილიონი ლარი (7%-იანი ზრდა).

"საქართველოს ნავთობისა და გაზის კორპორაციის მიერ 2013 წელს ბუნებრივი გაზის გაყიდვიდან მიღებული შემოსავლის ზრდამ შეადგინა 4% 2012 წელთან შედარებით. ამავე პერიოდში, მაგისტრალური გაზსადენების მიერ ტრანსპორტირებული გაზის გაზრდილმა მოცულობამ კორპორაციას გაზის ტრანსპორტირებიდან 8%-ით მეტი შემოსავალი მისცა. რაც შეეხება შემოსავლებს ნავთობის ტრანსპორტირების სეგმენტიდან, ის 2013 წელს წინა პერიოდთან შედარებით გაიზარდა 3%-ით. მნიშვნელოვანი ზრდაა 2013 წელს ნედლი ნავთობის რეალიზაციიდან მიღებული შემოსავლებშიც.

გასული წლის დასასრულისთვის კორპორაციამ თითქმის 200 მილიონი ლარი დახარჯა აღნიშნული პროექტის განხორციელებაზე. გარდაბნის კომბინირებული ციკლის თბოსადგურის მშენებლობის დასრულება 2015 წლის დასასრულისთვის იგეგმება. კორპორაცია გარდაბნის თბოსადგურის ამუშავების შემდგომ, 2016 წლიდან, კომპანიის EBITDA-ს მაჩვენებლის 50%-ით ზრდას პროგნოზირებს", - აცხადებენ კორპორაციაში.

კორპორაცია დაინტერესებულ პირებს სთავაზობს 2013 წლის აუდირებული ფინანსური ანგარიში კომპანიის ვებ-გვერდზე იხილონ.