აჭარის ა/რ განათლების, კულტურისა და სპორტის სამინისტროს მხარდაჭერით, ბათუმში "სტრიტ არტ ფესტივალი" გაიმართა.

ფესტივალის ფარგლებში წელს ბათუმში 10 კედელი მოიხატა.

კედლები ქალაქის სხვადასხვა უბნებშია შერჩეული. ერთი კვირის განმავლობაში ბათუმის სხვადასხვა უბანში ტურისტებსა და ბათუმელებს შესაძლებლობა ქონდათ ენახათ ხატვის პროცესი.

ფესტივალში მონაწილეობა მიიღო 24-მა არტისტმა, აქედან 18 საფრანგეთიდან იყო, 6 - საქართველოდან.

ფესტივალის ორგანიზატორია არტ სტუდია DOTCOMMA. "სტრიტ არტ ფესტივალი" პირველად ბათუმში გასულ წელს გაიმართა.

ფრანგი და ქართველი არტისტების 17 ნამუშევარი ბათუმში ანბანის კოშკის მიმდებარედაა განთავსებული. ნამუშევრების ნახვა ასევე შესაძლებელია ხელოვნების ცენტრ CAC41N/41E - ში.