დაბა ჩოხატაურში, აღმაშენებლის ქუჩაზე, უცნობი ნივთიერების გაჟონვის გამო, ადგილობრივთა ევაკუაცი დასრულდა. ამ დროისათვის უცნობი აირით სავსე ჭურჭელს სპეციალური სამსახური სწავლობს. სიტუაცია კონტროლს ექვემდებარება.
საქართველოს გარემოსა და ბუნებრივი რესურსების დაცვის მინისტრის მოადგილის, შალვა ამირეჯიბის განცხადებით, გაჟონილი აირი შესაძლოა თხევადი ქლორი აღმოჩნდეს, თუმცა მომწამლავი ნივთიერების შესწავლა ჯერ არ დასრულებულა.
შეგახსენებთ, რომ ჩოხატაურში, აღმაშენებლის ქუჩის მკვიდრმა, რომელიც ჯართს აგროვებდა, ორი დღის წინ კონტეინერი იპოვა და მისი გახსნის მცდელობის დროს თეთრი კვამლი წარმოიშვა, რის შემდეგაც მოსახლეობას მოწამვლის სიმპტომები დაეწყოთ, ხოლო 100 მეტრის რადიუსში მწვანე საფარი სრულად გახმა.
მედიკოსების განცხადებით აირით მოწალმლულებს თვალების წვა, ყელის ტკივილი, სიმშრალე და მაღალი წნევა აღენიშნებოდათ.
