რა გავლენა შეიძლება იქონიოს სირიის კრიზისულმა სიტუაციამ მსოფლიო ეკონომიკაზე „რეპორტიორთან" შეფასებები ეკონომიკის ექსპერტმა ლევან კალანდაძემ გააკეთა.
„სირიის კონფლიქტი არ არის ლოკალური კონფლიქტი. ეს არის ერთ-ერთი საკმაოდ გლობალური კონფლიქტია. როგორც ბოლო დროს განვითარებული მოვლენები ცხადყოფს, მასში ჩართული არიან, მსოფლიო წამყვანი სახელმწიფოები და შესაბამისად, ამ კონფლიქტის გლობალურობის მასშტაბი არის ძალიან დიდი.
გასათვალისწინებელია ის გარემოება, რომ ეს არის ახლო აღმოსავლეთის კონფლიქტი და პრაქტიკულად, ოპიკის წევრი ქვეყნების ძალიან დიდი ნაწილი ამ კონფლიქტშია ჩართული. შესაბამისად, შეუძლებელია ამ მოვლენებმა ეკონომიკურ პროცესებზე არ იქონიოს გავლენა. ძირითადად ნეგატიური გავლენები ნავთობთან დაკავშირებულ საკითხებთან იქნება.
დღეს თანამედროვე მსოფლიოში ყველა ანალიტიკური ხედვა არის ერთიდაიგივე, რომ ეს ნეგატიურად აისახება, ნავთობის და ნავთობპროდუქტების ფასებზე.
ბუნებრივია, ეს არ ნიშნავს, რომ ნავთობის მიწოდების თვალსაზრისით, მსოფლიოში შეიძლება რაიმე კრიზისული სიტუაცია დაფიქსირდეს, თუმცა ტრეიდერები ისარგებლებენ ამ მომენტით და მნიშვნელოვნად გაზრდიან ფასებს, რეალურად მოსალოდნელია, რომ შემოდგომაზე ნავთობპროდუქტებზე ფასები მკვეთრად გაიზრდება."- აცხადებს ლევან კალანდაძე.
