კომპანია Apple-ის მიმწოდებლები iPhone 6-ის სერიულ წარმოებას ჩინეთში მომავალი თვიდან დაიწყებენ.

ამის შესახებ სააგენტო Bloomberg-ი სანდო წყაროზე დაყრდნობით წერს.

ხოლო როგორც Reuters წერს, სმარტფონების წარმოებით ორი კომპანია იქნება დაკავებული - Hon Hai Precision Industry და Pegatron-ი. პირველი კომპანია გაჯეტების 70%-ს აწარმოებს, ხოლო მეორე - 30-ს.

ზოგიერთი ინფორმაციით, ახალი iPhone ორი სხვადასხვა ზომის იქნება - 4.7 და 5.5 დუიმის ეკრანების.

Apple-ის მეექვსე თაობის სმარტფონების პრეზენტაცია 3 თვეში იგეგმება.

წყარო: BPN