სრულიად საქართველოს კათოლიკოს-პატრიარქი ილია II მოსკოვში გაემგზავრება, სადაც კიევსა და მინსკში რუსეთის ნათლისღების 1025 წლისთავთან დაკავშირებით დაგეგმილ ღონისძიებებს დაესწრება. ილია II ვიზიტი მოსკოვში 23-30 ივლისს იგეგმება. საქართველოს საპატრიარქოს საგარეო განყოფილების ხელმძღვანელის , ზუგდიდისა და ცაიშის მიტროპოლიტის, გერასიმე შარაშენიძის, ინფორმაციით, ვიზიტის ფარგლებში მისი უწმინდესობა და დელეგაციის წევრები რუსეთის პატრიარქ კირილს შეხვდებიან. მეუფის თქმით, საუბარი, როგორც ყოველთვის, ამჯერადაც აფხაზეთს შეეხება. პატრიარქები ასევე ასტრახანში დაკრძალული ქართველი მეფეების, ვახტანგ VI-სა და თეიმურაზ II-ის, სამშობლოში გადმოსვენების საკითხს განიხილავენ. შეხვდება თუ არა ილია II რუსეთის ხელისუფლების პირველ პირებს ჯერ კიდევ ზუსტდება.
