რუსუდან შარაძის განცხადებასთან დაკავშირებით „რეპორტიორი" საქართველოს მთვარ პროკურატურას დაუკავშირდა. პროკურატურის ინფორმაციით, გურამ შარაძის მკვლელობის ახალ დეტალებზე გამოძიება უკვე დაწყებულია.
„გამოძიება მიმდინარეობს და რა შედეგებით დასრულდება, ამას წინასწარ ვერ გეტყვით."-განაცხადეს უწყებაში.
რაც შეეხება გიორგი ბარათელს, რომელიც გურამ შარაძის მკვლეობის ბრალდებით სასჯელს იხდის, პროკურატურის განმარტებით, განაჩენი უკვე დამდგარია და მისი საქმის გადახედვა ვეღარ მოხერხდება.
„გიორგი ბარათელის საქმის გადახედვასთან დაკავშირებით გამოძიება ვერ დაიწყება იმის გამო, რომ განაჩენი უკვე დამდგარია. რაც შეეხება საქმეს, სადაც ეს პირი მიუთითებდა და ასახელებდა, რომ თითქოს მან იცოდა გურამ შარაძის მკვლელობის შემკვეთების ვინაობა, ამ საქმეზე გამოძიება დაწყებულია."- განმარტავს პროკურატურა.
შეგახსენებთ, რუსუდან შარაძემ „რეპორტიორთან" ინტერვიუში განაცხადა, რომ გიორგი ბარათელი, რომელიც სასჯელს შარაძის მკვლელობისთვის იხდის, უდანაშაულოა, ნამდვილი მკვლელი კი -თავისუფალია.
