დასრულებული შენობების იურიდიული ექსპლუატაციის პროცედურები გამარტივებულია. ძალაში უკვე შევიდა დროებითი საკანონმდებლო ცვლილება, რომლის მიხედვითაც სამშენებლო კომპანიები შენობების ექსპლუატაციის ვადების დარღვევისათვის აღარ დაჯარიმდებიან და მარტივად შეძლებენ ოფიციალური ნებართვის მიღებას. ამნისტიით მსგავსი პრობლემების მქონე მშენებლებს შეეძლებათ მომავალი ოთხი თვის განმავლობაში ისარგებლონ. დედაქალაქის მერიის მიერ ინიცირებული ცვლილება თბილისში 300-მდე მესაკუთრემ უკვე გამოიყენა.
„სანამ ექსპლუატაციაში არ მიიღებ შენობას, შენობა იურიდიულად არ არსებობს, შესაბამისად, მისი განკარგვა მფლობელის მიერ , თუ ნებისმიერი სხვა რამის გაკეთება, მათ შორის ამხანაგობის შექმნა და ამხანაგობის პროგრამებში მონაწილეობა, შეუძლებელია. 2000 ასეთი შენობაა თბილისში და უკვე 400-მა მოგვმართა. აქედან 300 უკვე დაკმაყოფილდა. ჩვენ აქტიურად ვაწარმოებთ ამ პროცესს და გვინდა, რომ ამ ოთხი თვის განმავლობაში ეს პროობლემა მოგვარდეს."- განაცხადა თბილისის მერმა.
