შეხვედრაზე სამშენებლო სექტორში არსებულ ვითარებაზე დარგის განვითარებისთვის საჭირო ღონისძიებებს განიხილავენ.

როგორც ხადურმა შეხვედრის დასაწყისში განაცხადა, მიმდინარე წლის იანვარ-მაისში 13 პროცენტითაა გაზრდილი ეკონომიკური აქტივობა, საიდანაც ყველაზე მაღალი მაჩვენებელი 28,2 % სწორედ სამშენებლო სექტორს უკავია.

დღევანდელ შეხვედრაზე ფინანსთა მინისტრი სამშენებლო სექტორის წარმომადგენლებს გააცნობს მიმდინარე წლის იანვარ-მაისში ეკონომიკური ზრდის დადებით ტენდენციებს, ქვეყნის მაკროეკონომიკურ მაჩვენებლებს, საგადასახადო შემოსავლების კუთხით არსებულ დინამიკას და საგარეო ვალის შემცირების მონაცემებს.

ფინანსთა მინისტრი დეველოპერებისგან მოისმენს წინადადებებსა და მოსაზრებებს, თუ რა უნდა გაკეთდეს სახელმწიფო და კერძო ინფრასტრუქტურული პროექტების კიდევ უფრო გააქტიურებისა და ამ მიმართულებით ინვესტიციების მოზიდვის კუთხით, ასევე საკანონმდებლო ბაზის სრულყოფისათვის.

შეხვედრას ესწრებიან შემოსავლების სამსახურის უფროსი ირაკლი გვარამაძე, ეკონომიკისა და მდგრადი განვითარების მინისტრის მოადგილე, მიხეილ ჯანელიძე, ფინანსთა მინისტრის მოადგილე ლაშა ხუციშვილი, ასევე საგადასახადო პოლიტიკის დეპარტამენტის უფროსი მამუკა ბარათაშვილი და ინფრასტრუქტურის მინისტრის მოადგილე თეიმურაზ მურღულია..