ძლიერმა ქარმა ბათუმში, ცხრასართულიანი კორპუსის ნაწილს სახურავი გადახადა, რომელიც ეზოში გაჩერებულ ავტომობილებს დაეცა. 

10 ავტომობილს საქარე მინები, ძრავის ნაწილები და სალონები აქვს დაზიანებული.  კორპუსის მეცხრე სართულზე მცხოვრებ რამდენიმე ოჯახს,  საყოფაცხოვრებო ნივთები და რემონტი გაუფუჭდა.

"მთავობა დაგვეხმაროს, დავზარალდით ძალიან. იტყვიან, დაზღვევა რატომ არ გქონდათო, მაგრამ ისეთი ხელფასი არ გვაქვს, რომ დაზღვევა გავაკეთოთ. მოვიდნენ, ნახონ რაც მოხდა, ვინც გადახურა ბინა, ის თუ დამნაშავეა, აგებინონ პასუხი." - აცხადებენ დაზარალებულები. 
ძლიერი წვიმა და ქარი წუხელ 03:00 საათიდან გამთენიამდე გრძელდებოდა. წვიმის შედეგად ქალაქის რამდენიმე ქუჩაზე მცირე ტბორებია. ბათუმში ამ დრომდე გადაუღებლად წვიმს.