თუშეთში ვიზიტის ფარგლებში მინისტრი გურამ ოდიშარია და მინისტრის მოადგილეები ალექსანდრე მარგიშვილი და მარინე მიზანდარი ქვემო და ზემო ომალოს, დართლოს და ჭეშოს ესტუმრნენ.
მინისტრმა თუშეთის დაცული ტერიტორიების ადმინისტრაციაში ვიზიტორთა მომსახურების ცენტრი, ექსპოზიცია - ეთნოგრაფიული, არქეოლოგიური მასალა დაათვალიერა და თანამშრომლებს შეხვდა. 
გურამ ოდიშარია შეხვდა სოფელ ჭეშოს და ომალოს მოსახლეობასაც; პატარებს საჩუქრად გადასცა სასკოლო ინვენტარი. 
დელეგაციამ ასევე მოინახულა ომალოს ბიბლიოთეკა, რომელიც ამ დროისთვის არ ფუნქციონირებს, თუმცა წიგნების მწირ ფონდს ინახავს.