კომპანია "ყაზტრანსგაზ-თბილისის" ინფორმაციით, მთაწმინდის რაიონში ახლადაშენებული საშუალო წნევის გაზსადენზე დაგეგმილი გადართვითი სამუშაოების ჩატარების გამო, 3 სექტემბერს 23.00 საათიდან გაზმომარაგება თავისუფლების მოედანს, რუსთაველის გამზირის ნაწილს, ბარათაშვილის, თაბუკაშვილის, ლესელიძის და მათ მიმდებარე ქუჩებს, აბანოთუბანს, აგრეთვე გორგასალის ქუჩის #39, 41 კორპუსებს, 300 არაგველების, ბოდბეს და მათ მიმდებარე ქუჩებს, ასევე აღნიშნულ ტერიტორიაზე განთავსებულ სახელმწიფო დაწესებულებებს, სამრეწველო და საზკვების ობიექტებს შეუწყდება.
გაზმომარაგების აღდგენა 4 სექტემბერს, 09.00 საათიდან ეტაპობრივად დაიწყება.
"ყაზტრანსგაზ-თბილისი" აბონენტებს მოუწოდებს დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
