კინემატოგრაფიის ეროვნულ ცენტრში, სპეციალურად შექმნილი 17-კაციანი კომისია ხვალ, 4 სექტემბერს, გააკეთებს განცხადებას იმის თაობაზე, თუ რომელი ქართული ფილმი იქნება წარდგენილი აშშ-ის კინოაკადემიის დაჯილდოებაზე.
ამერიკის კინოაკადემიის 86-ე დაჯილდოების ცერემონია ამერიკის შეერთებულ შტატებში 2 მარტს გაიმართება.
კინოაკადემიამ საქართველოს ეროვნულ კინოცენტრს, უცხოენოვანი ფილმის ნომინაციაზე, კანდიდატი ფილმის შესარჩევად თხოვნით აგვისტოს თვეში მიმართა.
"ოსკარზე" წარსადგენად განიხილება სამი ფილმი: "იბრძოლე" (რეჟისორი გიორგი მეგრელიშვილი), "გრძელი ნათელი დღეები" (რეჟისორები სასი მონგროსი, ნანა ექვთიმიშვილი,); "მანქანა, რომელიც ყველაფერს გააქრობს" (რეჟისორი თინა გურჩიანი). ფილმების დახურული ჩვენებები 3 და 4 სექტემბერს კინოთეატრ "ამირანში" იმართება.
ფილმების დახურული ჩვენება ხვალ 14:00 საათისთვის დასრულდება. ამის შემდეგ კი, გაიმართება პრესკონფერენცია მედიის წარმომადგენლებისთვის.
