ბაქოს გაზეთ „ეხოს" დღევანდელ ნომერში გაშუქებულია 31 ივლისს ქართული და აზერბაიჯანული საფეხბურთო გუნდების „ჩიხურასა" და „ნეფთჩის" შეხვედრის დროს მომხდარი ინციდენტი.
როგორც ცნობილია მატჩის დროს ქართველი გულშემატკივრების ქმედებაში გამოიხატა: მათ სტადიონზე გამოფინეს საქართველოს დიდი რუკა დაკარგული ტერიტორიების მონიშვნით, რომელთაგან ერთ-ერთი - ზაქათალის ოლქი საქართველოს ყოფილ ტერიტორიადაა მიჩნეული (ავტორი რ.მანაფი).
პუბლიკაციაში საკმაოდ ვრცლადაა აღწერილი როგორც თვითონ ინციდენტი, ასევე კომენტარებიც: ციტირებულია საქართველოს საგარეო საქმეთა მინისტრის მაია ფანჯიკიძის, სპორტის მინისტრის ლევან ყიფიანის და „ჩიხურას" გენდირექტორის ბერიკა შუკაკიძის მიერ გაკეთებული განცხადებები, რომელთა საერთო პათოსი ასეთია: „მოხდა დასანანი, საწყენი ინციდენტი. გულშემატკივრებმა ემოციები პროვოკაციულად გამოხატეს, რისთვისაც კლუბი დააჯარიმეს, თუმცა ამჟამად კონფლიქტი ამოწურულია. ქართველ-აზერბაიჯანელთა მეგობრობა გრძელდება და მას ხელს ვერავინ შეუშლის".
