თბილისის სპორტის სასახლეში მიმდინარეობს მერიის თასის გათამაშება კალათბურთში, რომელშიც საქართველოს გარდა, მონაწილეობენ მოლდოვის, ბელორუსისა და დიდი ბრიტანეთის ნაკრებები. პირველ შეხვედრაში ქართველმა კალათბურთელებმა აშკარად სუსტ მოლდოვას აჯობეს 13 ქულით, თუმცა სხვაობა შეიძლება გაცილებით დიდი ყოფილიყო, მაგრამ იგორ კოკოშკოვმა ძირითადი ხუთეულის წევრები მესამე მეოთხედში დაასვენა და რეზერვისტებს ენდო, სამწუხაროდ კიდევ ერთხელ გამოჩნდა, რომ ჩვენი შემცვლელები, კლასით აშკარად ჩამოუვარდებიან ძირითად მოთამაშეებს. იგივე განმეორდა მეორე შეხვედრაშიც, დიდი ბრიტანეთის წინააღმდეგ, რომელიც ახალგაზრდა კალათბურთელებითაა დაკომპლექტებული. საკმარისი ხდებოდა მოედნიდან ფაჩულია, შენგელია, ცინცაძე გასულიყვნენ და მოწინააღმდეგე მაშინვე იწყებდა ქულების დაგროვებას.  საბოლოოდ ქართველებმა დიდი ძალისხმევის გერეშე კი გატეხეს მეტოქე, მაგრამ ნუ დაგვავიწყდება,რომ შესარჩევში ჩვენი მოწინააღმდეგეები ზემოთ ჩამოთვლილებზე გაცილებით ძლიერები არიან და მარკოიშვილ-ჰიკმანის არყოფნაში 6-7 კალათბურთელს მათ წინააღმდეგ ტოლ-სწორად ბრძოლა გაუჭირდება.

ქართველების დღევანდელი მეტოქე (ბელორუსი), შედარებით ძლიერია, თუმცა არა იმდენად, რომ ჩვენების ძლევა მოახერხოს, თუ რა თქმა უნდა, რამე გაუთვალისწინებელი არ მოხდა