24 ივლისის ღამეს მსოფლიოს მოსახლეობამ ცაზე უცნაური სანახაობა შენიშნა. დედამიწის მეგზურმა, მთვარემ  ჩვენს პლანეტასთან მაქსიმალურად მოახლოება შეძლო. ამ დროს მთვარე არაბუნებრივად დიდია და მისი ნახვა ნებისმიერ მსურველს შეუიარაღებელი თვალით შეეძლება. მსოფლიოს სხვადასხვა ქვეყნებში ამ მოვლენას „სუპერ მთვარეს“ ეძახიან.

„11.08.14. ცაზე „სუპერმთვარე“  აგიზგიზდება... ასე ახლოს დედამიწასთან ჯერ არ ყოფილა... ნახეთ... აუცილებლივ. საოცრებაა!“- წერს რეჟისორი რობერტ სტურუა სოციალურ ქსელში.

ასტროლოგ მიხეილ ცაგარელის განცხადებით 10 აგვისტოს, როდესაც საათი თორმეტს გადასცდება საზოგადოება მომნუსხველი სანახაობის მომსწრე გახდება. მთვარე დედამიწას ყველაზე ახლოს მოაუხლოვდება, თუმცა ასტროლოგის თქმით ეს  მოვლენა აგრესიის მოზღვავებას გამოიწვევს.

„10 აგვისტოს, იქნება სავსე მთვარე, ამას  სხვაგვარად „სატანურ დღეს“ ვუწოდებთ. სავსე მთვარეობა ეს არის მოჭარბებული უარყოფითი ენერგიები დედამიწაზე, რის შედეგადაც ადამიანს ემატება ენერგია, მაგრამ ხშირად ეს ენერგია უარყოფიათია. ვლინდება ზედმეტი აგრესიით, გაღიზიანებით, დაძაბულობით რაც ქმნის კონფლიქტებს. ეს კონფლიქტი შეიძლება იყოს როგორც ოჯახური, ასევე სახელმწიფოებს შორისაც. ამ რთულ პერიოდებში მეტად რთულდება ადამიანებს შორის ურთიერთგაგება. მე არავის ვურჩევ ამ დროს ხელშეკრულებების დადებას, მოლაპარაკებების წარმოებას, ახალი საქმის დაწყებას, შეიძლება კი დაიწყოთ, მოილაპარაკოთ, მაგრამ არ იმუშავებს და ვერ გაიგებთ თუ რატომ არ მუშაობს, არადა ეს სწორედ ამ მოვლენების გამო მოხდება.“- აცხადებს მიხეილ ცაგარელი.