ზუსტად ერთი წლის წინ, ამერიკელ წყვილს უბედურება დაატყდა თავს - ორსულ ცოლს უცნაური ტკივილები დაეწყო და სასწრაფოდ მიიყვანეს საავადმყოფოში. აღმოჩნდა, რომ ნაყოფი მოწყდა და 19 კვირის ჩვილი დედის მუცლიდან ამოიყვანეს. ახალშობილმა სულ რამდენიმე წუთს იცოცხლა . ექიმებმა მისი გადარჩენა ვეღარ შეძლეს.
ასეთი ამბავი საკმაოდ ბევრი ხდება, თუმცა ამ წყვილმა ის განსაკუთრებულად აქცია. დედამ მოინდომა, ენახა თავისი გარდაცვლილი ჩვილი, გულშიც ჩაიხუტა და ქმარმა ის ფოტოებზეც დააფიქსირა. მერე კი ეს ფოტოები ინტერნეტში მოხვდა და საუკეთესო პროპაგანდად იქცა აბორტის წინააღმდეგ - უამრავი ქალი იკეთებს აბორტს თუნდაც 19 კვირის ორსულობისას, მას მერე, რაც ბავშვის სქესს შეიტყობენ, ან სხვა რაიმე მიზეზით. ცოლ-ქმარს ზღვა წერილები მისდიოდა ქალებისგან, რომლებმაც ამ ფოტოების ნახვის შემდეგ გადაიფიქრეს აბორტის გაკეთება...
„გული მისკდება, როცა მესმის იმ მშობლების ამბავი, რომელთაც არ მისცეს უფლება, გარდაცვლილი შვილი ენახათ. ეს საშინელება იქნება. სანამ ჩემს პატარას გული უცემდა, მე მას ვეხვეოდი, გულში ვიკრავდი. ყოველთვის მეხსომება ეს მომენტები, რომლებიც მასთან გავატარე." - იხსენებდა მოგვიანებით ახალგაზრდა დედა, რომელსაც დანამდვილებით ვერ უთხრეს ექიმებმა, რამ გამოიწვია ორსულობის შეწყვეტა, და ვერც ის - კიდევ შეძლებდა თუ არა დაოსრულებას.
