ფინანსთა მინისტრის ნოდარ ხადურის განცხადებით, Moody's რეიტინგი არის რეალური ინფორმაცია. მინისტრმა კომენტარი მთავრობის სხდომის დასრულების შემდეგ გამართულ პრესკონფერენციაზე გააკეთა.

"გაუმჯობესდა მოლოდინი საერთაშორისო საფინანსო ბაზრებზე. Moody's ერთ-ერთი ცნობილი სარეიტინგო კომპანიაა და ის პროცესები, რომელიც ბოლო პერიოდში მიმდინარეობს საქართველოში, მან ჩათვალა სრულად საკმარისად იმისათვის, რათა ეს მოლოდინი გაემჯობესებინა. 

ეს არ არის მხოლოდ მშრალი რეიტინგი, ეს არის რეალური ინფორმაცია ბიზნესისათვის, ფინანსური ბაზრებისთვის.

ინვესტორებისთვისაც საქართველო უფრო მეტად საინტერესო ქვეყნად არის აღიარებული", -აღნიშნა ხადურმა. 

შეგახსენებთ, დღეს საერთაშორისო სარეიტინგო სააგენტო Moody's რეიტინგში საქართველოს მაჩვენებელი გაუმჯობესდა.