საქართველოს პრემიერ-მინისტრის, ბიძინა ივანიშვილის ვიზიტი ლიტვაში დაიწყო. პრემიერის პრესსამსახურის ინფორმაციით, ვილნიუსის საერთაშორისო აეროპორტში ბიძინა ივანიშვილს ლიტვის საგარეო საქმეთა მინისტრის მოადგილე ანდრიუს კრივასი, ლიტვის საგანგებო და სრულუფლებიანი ელჩი საქართველოში იონას პასლაუსკასი, ლიტვის რესპუბლიკის მთავრობის კანცლერის უფროსის მოადგილე რემიგიუს მოტუზასი და ლიტვის რესპუბლიკის პრემიერ-მინისტრის მრჩეველი საგარეო პოლიტიკის საკითხებში აურდიუს ბრუზგა დახვდნენ. პრემიერ-მინისტრთან ერთად ქართული დელეგაციის შემადგენლობაში იმყოფებიან ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი და საგარეო საქმეთა მინისტრის პირველი მოადგილე დავით ზალკალიანი.