რუსთაველის გამზირზე მდებარე პარლამენტის განახლებულ შენობაში დავით უსუფაშვილმა ჟურნალისტებთან ერთად დაათვალიერა ბიუროს ოთახი, სასესიო დარბაზი, ილია ჭავჭავაძის, პირველი რესპუბლიკის დარბაზები, კინოდარბაზი, დეპუტატების სამუშაო კაბინეტები, ასევე ახალი საკომიტეტო ოთახები, მედიაცენტრი, სადაც სარემონტო სამუშაოები დასრულდა და ახალი ტექნიკური აპარატურით აღიჭურვა.
დავით უსუფაშვილის თქმით, კონსტიტუციის შესაბამისად ქუთაისი კვლავ რჩება პარლამენტის ადგილსამყოფელად, სადაც გაიმართება პლენარული სხდომები, ასევე კომიტეტის სხდომებიც.
უსუფაშვილის თქმით პარლამენტის აღნიშნული შენობა გამოყენება საკომიტეტო სხდომებისათვის, შეხვედრებისათვის, დეპუტატებს საშუალება ექნებათ იმუშაონ, როგორც ქუთაისში, ასევე თბილისში.
ხვალ საშემოდგომო სესია 15.00 სათზე თბილისში ბიუროს სხდომით გაიხსნება.
