მსახიობმა ჟული გაიემ, რომელსაც სავარაუდოდ საფრანგეთის პრეზიდენტ ფრანსუა ოლანდთან რომანი აქვს, ფანგულ ჟურნალ Closer-ს კიდევ ერთი სასამართლო პროცესი მოუგო.
სასამართლომ მიიჩნია, რომ გამოცემამ დაარღვია მსახიობის კონფიდენციალურობა. კერძოდ, ჟურნალმა გამოაქვეყნა მსახიობის სურათი, სადაც ის საკუთარ მანქანაში ზის. ფრანგული კანონმდებლობით, მანქანა კერძო სივრცედ ითვლება.
პარიზის სასამართლოს გაწყვეტილებით, ფოტოგრაფს, რომელმაც სურათი გადაიღო და გაავრცელა, დაეკისრა პირობითი ჯარიმა 1000 ევროს ოდენობით. გამოცემა ასევე ვალდებულია სასამართლოს გადაწყვეტილება განათავსოს ჟურნალის პირველ გვერდზე.
შეგახსენებთ, მარტში ჟურნალი Closer იძულებული გახდა, ჟული გაიესთვის 15,000 ევრო (დაახლოებით 20 ათასი. დოლარი) გადაეხადა, ოლანდისა და გაიეს იმ ფოტოებისთვის, სადაც ისინი ერთი და იმავე ბინის წინ არიან გადაღებული.
