„დღევანდელი პარლამენტი მოსახლეობის განწყობას ვერ ასახავს, შესაბამისად, ეს საკანონმდებლო ორგანო თავის მოღვაწეობას, დადგენილ ვადაში, ვერ დაასრულებს. ადრე თუ გვიან, რიგგარეშე საპარლამენტო არჩევნები უნდა ჩატარდეს", - ამის შესახებ, ექსპერტმა კახი კახიშვილმა პრესკონფერენციაზე განაცხადა. აღნიშნა, რომ დღევანდელი პარლამენტარები ერთმანეთთან პაექრობას მეტ დროს უთმობენ და ხალხისთვის საჭირო კანონებს ნაკლებად განიხილავენ - „ერთმანეთთან თემების მოთელვა მიმდინარეობს და ამ პარლამენტის საქმიანობით სრულიად ხელოვნურად იკვეთება, რომ ქვეყანაში ძლიერი ოპოზიციური ძალა - „ნაციონალური მოძრაობაა". - განაცხადა კახიშვილმა. ასევე აღნიშნა, რომ ცუდი არ იქნება, თუ საპრეზიდენტო კანდიდატებიც დააფიქსირებენ თავიანთ შეხედულებას რიგგარეშე საპარლმანეტო არჩევნებთან დაკავშირებით.
