დღეს, ტაშკენტში დაიწყო მსოფლიოს ჩემპიონატი ჭიდაობაში. საქართველოს ნაკრებიდან ხალიჩაზე უკვე გავიდნენ 57 კგ-ში ვლადიმერ ხინჩეგაშვილი, 70 კგ-ში ალექსანდრე ჯაჭვაძე, 86 კგ-ში დავით მარსაგიშვილი და 125 კგ-ში გიორგი კანდელაკი. ამათგან ხინჩეგაშვილი ფინალში კი გავიდა, მაგრამ ჩრდილოეთ კორეელ კიონგ ლი იანგთან ვერაფერს გახდა, ხოლო დანარჩენები საწყის ეტაპზე დამარცხდნენ. განსაკუთრებით საწყენია ისეთი გამოცდილი მოჭიდავის მარცხი, როგორიც მარსაგიშვილია, მან ყაზახეთის სახელით გამომსვლელ ასლან კახიძესთან 7-ქულიანი უპირატესობა გაანიავა და 9:10 დამარცხდა.