"რუსთავის ფოლადის" 500-ზე მეტმა თანამშრომელმა საპროტესტო აქცია გამართა. აქციის მონაწილეები ჯოზეფ ქეის სარჩელის საფუძველზე სასამართლოს მიერ წიდასაყარის საწარმოს დაყადაღებას აპროტესტებენ. 150 მუშა სამსახურის გარეშეა დარჩენილი. მათი განცხადებით თუ საწარმოზე ყადარა არ მოიხსნა, "რუსთავის ფოლადის" სრული პარალიზება მოხდება, ვინაიდან, ქარხანა ნედლეულით სწორედ წიდასაყარიდან მარაგდება. ხოლო, საწარმოს სრულიად გაჩერდების შემთხვევაში 1 500 ადამიანი უმუშევარი დარჩება. დღესვე განცხადება გაავრცელა თომას ბლეიქმა, რომელიც ასევე "რუსთავის ფოლადის" მეპატრონეობაზე პრეტენზიას აცხადებს. აღნიშნულსა და ჯოზეფ ქეის შორის სასამართლო დავა მეპატრონეობასთან დაკავშირებით უკვე რამდენიმე წელია რაც მიმდინარეობს. თომას ბლეიქი გაფიცული მუშების პოზიციას იზიარებს და მომხდარზე სრულ პასუხისმგებლობას ჯოზეფ კეის აკისრებს.
