შრომის, ჯანმრთელობისა და სოციალური დაცვის მინისტრმა დავით სერგეენკომ ჟურნალისტებს ყოფილი პრეზიდენტის მიხეილ სააკაშვილის ქონების დაყადაღების კომენტირებისას განუცხადა, რომ ნებისმიერი ადამიანი კანონის წინაშე თანასწორია და არ აქვს მნიშვნელობა, რა თანამდებობა ეკავა.

სერგეენკომ აღნიშნა, რომ არ იცის დეტალები, თუ რატომ მოხდა ეს დაყადაღება, თუმცა, აღნიშნა, რომ, ალბათ, იყო ამის საფუძველი.

მიხეილ სააკაშვილის ადვოკატმა დღეს გაავრცელა იმ ქონების ჩამონათვალი, რომელიც სასამართლოს გადაწყვეტილებით, მიხეილ სააკაშვილსა და მის ოჯახს დაუყადაღდა. დაყადაღებულია მიხეილ სააკაშვილის, მისი მეუღლის, შვილების, დედის, მამის და ბებიის ქონება.