სანდრო გირგვლიანის მამამ „რეპორტიორის" პრეს-კლუბში ბრიფინგი გამართა. გურამ გირგვლიანი გამოძიების დეტალებს არ ახმაურებს, თუმცა აცხდებს რომ საქმეში ახალი დეტალები გამოიკვეთა. „გამოძიებას პრეტენზიას ვერ წავუყენებ. თუმცა, ის ჯერ კიდევ არ არის დასრულებული. საზოგადოება მომთხოვნია და საბოლოო განაჩენის გამოტანას აჩქარებს. ციხეში მომუშავეე ყველა ადამიანი დაიკითხა. ის ციხის უფროსიც, ვინც დღეს სასულიერო პირია. დღესაც არიან ისეთები, ვისაც თავის გადარჩენა უნდა. მე მირჩევნია გამოძიება პრეზიდენტის არჩევნებამდე გაგრძელდეს, რადგანაც . „ნაცმოძრაობას" ჯერ კიდევ აქვს ბერკეტები, რომ ხელი შეუშალოს გამოძიებას და ის ადამიანები, ვინც სანდროს მკვლელობაში არიან გარეული, სასჯელს ააცილონ" - აცხადებს გურამ გირგვლიანი.
გურამ გირგვლიანი ევროპარლამენტარების გუშიდენლ განცახდებებსაც გამოეხმაურა. „გუშინდელი განცხადებები მათი მხრიდან იყო ცინიზმი. მათ ერთგვარი ხარკი გადაუხადეს „ნაციონალურ მოძრაობას"- აცხადებს გირგვლიანი. შეგახსენებთ რომ, გუშინ ევროპარლამენტის წვრმა კშიშტოფ ლისეკმა განაცხადა, რომ პოლიტიკურის გარდა, ვანო მერაბიშვილის წინასწარ პატიმრობაში ყოფნის ვერც ერთ მიზეზს ვერ ხედავს.
