საქართველოს ეკონომიკისა და მდგრადი განვითარების მინისტრის გიორგი კვირიკაშვილის ინფორმაციით, 2015 წლის საბიუჯეტო ვარიანტში პენსიების ზრდა დაგეგმილი არ არის.

ამასთან, მინისტრის თქმით, 5%-იანი ეკონომიკური ზრდა დაბალი მაჩვენებელი არ არის.

„რამდენადაც მე ვიცი, ჯერ ერთი, დაბალი ეკონომიკური ზრდა არ არის 5%, უფრო მეტი, რა თქმა უნდა, კარგია, მაგრამ ამას დაბალს არ დავარქმევდი. მეორე - პენსიების ზრდა არსებულ საბიუჯეტო ვარიანტში არ არის, თუმცა, ჩვენ დიდი იმედი გვაქვს, რომ 5%-ზე მეტი იქნება ზრდა, ამიტომ კონსერვატიულად დავგეგმეთ და ნამატი სავარაუდოდ მიმართული იქნება პენსიების ზრდაზე", - განაცხადა კვირიკაშვილმა.