25-26 ოქტომბერს თბილისობის დღესასწაულზე ფრანგული დასი „La Compagnie des Quedams" დიდი თეთრი ფიგურების მსვლელობას მოაწყობს. წარმოდგენა აბანოთუბანში დაიწყება და საზეიმო მსვლელობა მეტეხის ხიდის გავლით ევროპის მოედანზე დასრულდება.
„ჰერბერტის სიზმარი" ქუჩის წარმოდგენაა, სადაც უზარმაზარი თეთრი ფიგურები უცებ ვეებერთელა ღრუბლებად იშლებიან და მთვარის საძებნელად მთელ ქალაქს ეძახიან. წარმოდგენის ბოლოს მუსიკის ფონზე ხუთი ფიგურა ცაში უჩინარდება.
„La Campagnie des Quedams" 1994 წელს საფრანგეთში ჟან-ბატისტ დუპერეს ინიციატივით დაარსდა. დასი ოცამდე მსახიობსა და ტექნიკურ შემსრულებლებს (მოცეკვავეები, მუსიკოსები, ცირკის მსახიობები) აერთიანებს. კომპანია სოფელში ცხოვრობს და წარმოდგენებს ქუჩაში მართავს.
მსოფლიოში ცნობილი დასი საქართველოში მიხეილ თუმანიშვილის თეატრის ფესტივალის, „საჩუქარის" პროგრამის ფარგლებში ესტუმრება.
