„ბონდიანას" ახალ ფილმში ჯეიმს ბონდის როლის შემსრულებელ დენიელ კრეიგს  პარტნიორობას ფრანგი მსახიობი ლეა სეიდუ გაუწევს. მსახიობმა კონტრაქტი უკვე გააფორმა. ლეასთან ერთად ახალ სერიაში ითამაშებენ რალფ ფაინსი, ბენ უიშოუ და ნაომი ჰარისი. სემ მენდესის ახალ ფილმს სახელწოდება ჯერ არ აქვს.

ახალგაზრდა მსახიობი ცნობილი ფილმებით „ადელის ცხოვრება" და „რობინ ჰუდი" გახდა.

ჯეიმს ბონდის პირველი ფილმი „Dr.No" შონ კონერის მონაწილეობით 1962 წელს გამოვიდა.  ჯეიმს ბონდის როლის შემსრულებლები სხვადასხვა დროს იყვნენ როჯერ მური, ტიმოთი დალტონი და პირს ბროსნანი. ბონდის ქალის როლებს კი სოფი მარსო, როზამუნდ პაიკი, ევა გრინი და ოლგა კუტილენკო თამაშობდნენ.

ახალი ფილმის გადაღება დეკემბერში დაიწყება, პრემიერა კი 2015 წლის 6 ნოემბერსაა დაგეგმილი.