რიგაში უჩვეული საფინანსო დაწესებულება გაჩნდა, რომელიც ლატვიის ნებისმიერი მოქალაქისთვის, სურვილის შემთხვევაში, კრედიტს გასცემს. ფულის სანაცვლოდ საფინანსო დაწესებულება, არც მეტი, არც ნაკლები, ადამიანის სულს იბარებს. ანუ იმ შემთხვევაში, თუკი ადამიანი გარკვეული დროის შემდეგ არ დაფარავს კრედიტს, საფინანსო დაწესებულება მისი სულის მფლობელი გახდება.
ფირმის თანამშრომელმა, ჟურნალისტებთან საუბრის დროს, განაცხადა, რომ სულების შესყიდვაში ცუდს ვერაფერს ხედავს.
„ბიზნესი ბიზნესია. ჩვენ ადამიანებს მატერიალურ და ხელშესახებ ფულად თანხას ვაძლევთ. თუკი რომელიმე მათგანი საკუთარ სულს უფრთხილდება, მაშინ აუცილებლად დააბრუნებს აღებულ თანხას. მე მგონია, რომ ყველაფერი სამართლიანად არის მოწყობილი. ადამიანმა თვითონ უნდა გადაწყვიტოს, რა არის მისთვის მნიშვნელოვანი",- განაცხადა ფირმის თანამშრომელმა.
წყარო - ambebi.ge
(მოამზადა ნათია ცუხიშვილმა)
