ორგზის ოსკაროსან მსახიობ რობერტ რედფორდს ლეგენდარული მსახიობის ჩარლი ჩაპლინის სახელობის პრიზი გადაეცემა. საპატიო ჯილდოს ლაურეატებს ყოველწლიურად „ლინკოლნის ცენტრი" ასახელებს.
„ძალიან გვიხარია, რომ ჩაპლინის სახელობის პრიზს რობერტ რედფორდი მიიღებს. ის არა მხოლოდ ცნობილი და ყველასთვის საყვარელი მსახიობია, არამედ განსაკუთრებულია ინდივიდუალური საქმიანობით. რობერტი თავის კატეგორიაში ნამდვილი ჩემპიონია",- განაცხადა შესარჩევი კომისიის წევრმა ენ ტენენბომმა.
77 წლის მსახიობი კვლავ აქტიურად აგრძელებს საქმიანობას. რედფორდმა ბოლოს ფილმში „კაპიტანი ამერიკა: ზამთრის ჯარისკაცი" ითამაშა.
ჩაპლინის სახელობის პრიზი მიღებული აქვთ ალფრედ ჰიჩკოკს, ბილი უაილდერს, ელიზაბეთ ტეილორს, მერილ სტრიპსა და ტომ ჰენკსს. რიგით 42-ე დაჯილდოება 2015 წლის 27 აპრილსაა დაგეგმილი.
(მოამზადა ქეთი ებიტაშვილმა)
