საქართველოს პრემიერ-მინისტრი, ბიძინა ივანიშვილი ლიტვის პრეზიდენტს, დალია გრიბაუსკაიტესს შეხვდა. პრემიერ-მინისტრის პრესსამსახურის ინფორმაციით, შეხვედრა პრეზიდენტის სასახლეში გაიმართა, სადაც საუბარი  ორ ქვეყანას შორის მრავალმხრივი ურთიერთობების გაღრმავების საკითხს შეეხო. ბიძინა ივანიშვილმა  დალია გრიბაუსკაიტესს საქართველოსადმი გამოჩენილი მეგობრული და პარტნიორული დამოკიდებულებისთვის მადლობა გადაუხადა. მისივე განცხადებით, საქართველოს მთავრობა აფასებს, რომ 2013 წელს, წინა წლების მსგავსად,  ლიტვისთვის საქართველო  "განვითარების სფეროში თანამშრომლობის პროგრამის" პრიორიტეტული ქვეყნების ნუსხაში რჩება.