სვეტიცხოვლობის დღესასწაულთან დაკავშირებით მცხეთაში საზეიმო კონცერტი მიმდინარეობს

სვეტიცხოვლობის დღესასწაულთან დაკავშირებით, ქალაქის მთავარ ქუჩაზე სხვადასხვა ადგილას მოწყობილ სცენებზე ქართველი მომღერლების და ქართული ქორეოგრაფიული ანსამბლების კონცერტები მიმდინარეობს.

ქალაქის ცენტრში გამოფენილია ხალხური რეწვის ნიმუშები. მცხეთის მთავარ, აღმაშენებლის ქუჩაზე, საქართველოს პრემიერ-მინისტრი მეუღლესთან ერთად იმყოფებოდა.

დღეს მცხეთის მერმა ქართული კულტურისა და ლაზური ენის განვითარებაში შეტანილი განსაკუთრებული წვლილისთვის რამდენიმე ლაზი დააჯილდოვა და მცხეთის საპატიო მოქალაქის სტატუსი მიანიჭა.