„მოსამართლე პროკურატურისგან და იუსტიციის მინისტრის წნეხისგან გათავისუფლდა“-ეს განცხადება იუსტიციის მინისტრმა გადაცემა „ღია კითხვაში“  გააკეთა.

თეა წულუკიანი ევროპარლამენტარების იმ კომენტარებს გამოეხმაურა, რომლის მიხედვთაც, მერაბიშვილი წინაპატიმრობაში უკანონოდ იმყოფება.

„მტკიცებულებები რომ არ იყოს იმ ხარისხით, რა ხარისხიც წინასწარი პატიმრობის დროს უნდა არსებობდეს, ვანო მერაბიშვილი ციხეში არ იქნებოდა.“ - განაცხადა იუსტიციის მინისტრმა.

წულუკიანი თვლის, რომ ვანო მერაბიშვილი წინაპატიმრობაში კანონიერად იმყოფება, რადგან   პროკურატურის  მტკიცებულებები და არგუმენტები სასამართლომ გაიზიარა. აღნიშნული რეალობა კი ევროპარლამენტის წარმომადგენლებმა არ გაითვალისწინეს, რასაც, მათი მხრიდან, მწვავე კომენტარები მოჰყვა.