სოფელ ოთარშენში წვიმის შედეგად  რამდენიმე საცხოვრებელი სახლი დაიტბორა. დაზარალებულები აცხადებენ, რომ აღნიშნული პრობლემის წინაშე მას შემდეგ დადგნენ, რაც ჩქაროსნული ავტომაგისტრალის გადასასვლელი ხიდი გაკეთდა. ავტობანის სადრენაჟო სისტემიდან წამოსული წყლის ნაკადი სწორედ აღნიშნულ საცხოვრებელ სახლებთან მიედინება, რის გამოც მცხოვრებლები ზარალდებიან. 

გორის მუნიციპალიტეტის გამგებელი დავით ონიაშვილი აცხადებს, რომ საქართველოს საავტომობილო გზების დეპარტამენტთან ამ პრობლემის მოსაგვარებლად კონსულტაციები უკვე დაწყებულია. 

დატბორილი ეზოები გორის სახანძრო და სამაშველო სამსახურების დახმარებით გაიწმინდა.

(მოამზადა ნინი მოდრეკილმა)